島上遇到貓 ~ 似島 (ninoshima)

[otw_shortcode_dropcap label=”今” size=”large” border_color_class=”otw-no-border-color” square=”square” background_color=”#373adb”][/otw_shortcode_dropcap]次同大家介紹嘅係响廣島嘅似島. 由廣島駅坐半個鐘叮叮到廣島港, 然後再廿分鐘坐船就到. 似島個名點黎, 其中一個講法就係”島上有座山似富士山”. 座山叫安芸小富士, 遠望真係有D似富士山. 似島同之前介紹過响福岡嘅玄界島差唔多大. 可以踩單車環遊. 當然, 登上278m高的安芸小富士都係一個重點項目. 我地去似島果日落大雨, 只好响碼頭附近嘅橫街小巷搵貓. 似島上面, 有食肆有民宿.

從廣島港遠眺似島上嘅安芸小富士

一落船就有貓黎接船

似島上面有小學同中學. 落船後向右轉就係我影貓嘅村落

碼頭附近村落, 有幾塊得意告示牌, 其中一塊寫住有呢度有好多貓! 要留心. 可惜落大雨, 等唔到有貓出現

雖然落住大雨, 好彩村入面都遇到到唔少貓咪

好得意, 背脊有三點嘅黑白貓

 

黎既時候, 有貓接船. 離開嘅時候, 有貓送船

回程時見到排得好靚的帶子殼, 唔知有乜野用?

交通資訊

去似島嘅船响廣島港開出. 廣島港就似我地嘅中環碼頭, 有好多船去附近唔同嘅離島, 最遠可以去到四國嘅松山観光港. 去睦月島嘅高浜港隔離, 就係松山観光港. 有機會再去廣島, 我會計畫去其他嘅離島搵貓.

廣島港離廣島駅唔係太遠, 坐叮叮5號線, 約三十分鐘就可直達. 由總站坐到去總站, 唔怕會落錯車. 不過叮叮始終行路面, 廣島亦係大城市, 塞車情況少不免. 我地果日再加上落大雨, 咁就走左班船. 除左5號線, 1號線同3號線既總站都會停廣島港.

http://www.hiroden.co.jp/train/route-guide/stop-guide/index.html

廣島港總站

去似島的船由朝早6點, 到夜晚8點, 幾乎每個鐘都有一班. 但要留意有幾班會接送學生, 就會停多一個”學園”碼頭.  本黎廿分鐘嘅航程, 就會變左四十分鐘, 大家要留意. 去似島嘅船可以載車, 租車嘅朋友可直接揸去似島, 或者泊响廣島港附近嘅停車場.

http://www.ninoshimakisen.jp/time_price.html#anc01

去似島的船仲有另外一隻可以選擇, 不過就只停”學園”碼頭.

http://bunker-supply.com/ninoshima.html

溫馨提示

日本火車、巴士同船嘅班次, 有時可以細分到<星期一至五>、 <六>, <日及公眾假期>三組唔同嘅班次.  夏季同冬季亦可以分有兩組唔同嘅班次. 一個唔留神, 好容易就會睇錯隔離班次.  另外, 文中提及既價錢亦隨年日可能有所改變, 所以最好响出發前再上文章內提供嘅link再確認一次.

1,823 total views, 1 views today

您可能也會喜歡…

發表迴響

你的電子郵件位址並不會被公開。

Bitnami