島上遇到貓 ~ 藍島 (ainoshima)

因為傳媒過份嘅報導同fb擴散嘅威力, 大家會以為九洲福岡只有兩個貓島, 相島同藍島. 之前同大家分享過相島,  今次就到藍島. 藍島在北九洲小倉, 可以望到對面岸嘅本洲. 藍島同相島一樣咁多遊客, 但就無見到用英文寫叫人唔好餵貓嘅poster.  在藍島遇左會聽到廣東話, 有心理準備會好D.

有貓接船

 

响藍島搵貓之際, 遇到一位太太, 岩岩餵緊十幾隻貓. (其實有成40隻, 不過有D未浦頭). 佢同我地講, 其實佢唔係咁鐘意貓. 傳統傳媒嘅報導, 好大部份都係無錯, 但問題出左佢地過份集中報導某一類題材, 人物. 為左動物福祉賣樓賣股票辭埋份工絕對無問題, 但偏偏呢D先夠極端夠爆夠click rate, 唔單止香港係咁, 全世界都係咁. 久而久之, 你夠唔夠愛動物就會同係唔係做左某D野掛鉤. 傳媒過濾左唔報導嘅野, 唔代表唔存在. 現在, 我見到藉著social media終於有機會可以改變呢個遊戲規則.

藍島嘅車, 好似全部都唔見有車牌, 好奇怪

好多年前, 第一次响東京日比谷公園見過呢張poster. 响日本, 遺棄同虐待動物都係犯法, 罰好重. 香港响呢方面就仲係好落後

左邊黑色袖

右邊黑色袖

這不是罐罐

路上遇到小狗出巡

臨走前遇到心心貓

有貓接船, 亦有貓送船

再見藍島, 向馬島進發

交通資料

由博多出發, 首先要搭JR去小倉駅, 然後行十分鐘左右去碼頭. 博多<->小倉有好多火車選擇, 有慢車, 快車同最快嘅新幹線, 只需十六分鐘. 不過要留意呢一段嘅新幹線, 用JR九洲pass係坐唔到的! 至於用JR 西日本 pass就好多隻都得. 由小倉駅行到碼頭, 最好預15分鐘, 同事前睇一次google street map熟悉一下附近建築物. 網站話由小倉駅北口10分鐘行到,  佢係假設你識行同行得快. 而且小倉駅唔細, 未必一落車就係北口位置. 碼頭前又有一盞交通燈.

船期每日只有3班, 最多4班(夏季嘅周末同公假), 所以預鬆D時間好過送船尾. 自已揸車嘅話, 碼頭附近有停車場.

船會首先停馬島, 船程約20分鐘. 之後多左10分鐘就到藍島.

回程一樣, 會先停馬島, 然後再到小倉.

http://www.city.kitakyushu.lg.jp/san-kei/file_0043.html

上層

下層

溫馨提示

日本火車、巴士同船嘅班次, 有時可以細分到<星期一至五>、 <六>, <日及公眾假期>三組唔同嘅班次. 夏季同冬季亦可以分有兩組唔同嘅班次. 一個唔留神, 好容易就會睇錯隔離班次. 另外, 文中提及既價錢亦隨年日可能有所改變, 所以最好响出發前再上文章內提供嘅link再確認一次.

4,626 total views, 3 views today

您可能也會喜歡…

發表迴響

你的電子郵件位址並不會被公開。

Bitnami