島上遇到貓 ~ 初島 (hatsushima)

2013年, 我第二次行富士山. 行完富士山之後, 因為雙腳有D攰, 我地揀左呢個離東京唔算太遠嘅初島. 初島位於靜岡縣熱海市, 由熱海港出發坐船去, 大約半個鐘就到. 熱海係著名嘅溫泉區, 我去嘅時候係夏天, 遊客唔多. 反而初島就有唔少人去浮潛, 潛水或玩其他水上活動. 值得一提嘅係, 初島上面有間resort, 亦有唔少民宿, 最緊要係零廣東話, day trip或過夜都適宜. 我第一次行富士山時遇到颱風, 上唔到頂, 今次比較好彩, 落返黎先起風. 嗰時東京熱到38~39度, 初島叫有海風就涼少少, 可惜好多貓都熱到無走出黎. 初島比坪洲細一半, 我地响碼頭附近村落行左幾圈, 熱到頭暈暈.

若有機會再黎嘅話, 我會選擇秋天, 探完貓後可以順道去熱海浸溫泉. 從船上望返熱海. 天清嘅話, 係可以望到富士山個山頂. 呢個都係初島除左貓之外, 吸引我去嘅原因. 可惜打風, 個天一層灰…

官網有富士山背景嘅相, 大家有時間可以去睇下http://www.hatsushima.jp

午餐點左定食, 前菜中有一碗”ところてん”(左上). 落單時侍應問我地知唔知ところてん係乜野, 怕我地唔食. 我答唔知, 於是佢就用iphone寫漢字”海藻”, 果時我估係能紫菜吧. 到上菜時才知原來係煮溶了嘅海藻, 睇起黎似一條條jelly, 配酸汁同芥末食, 非常適合夏天嘅開胃前菜.

伊勢海老兩食 ~ 刺身

伊勢海老兩食 ~ 湯

食飽之後就去搵貓

餐廳出面

碼頭附近有個公廁, 一邊係男, 一邊係女, 後面就係貓

初島風景

堤壩上有好多人釣魚, 可惜天熱實在太熱, 無貓出黎等食魚

唔多怕人嘅麻鷹

打風關係, 遇唔上靚日落

 

交通資訊

由東京駅出發, 坐新幹線嘅話, 最快可40分鐘到達熱海駅. 响熱海駅出面, 可選擇坐巴士或的士去熱海港碼頭. 的士大約十分鐘車程, 唔算太遠, 夾唔岩既士班次要坐嘅話, 都唔會跳到心臟病發. 由熱海港出發, 每日有7班船去初島. 船程大約30分鐘. 自己揸車嘅話, 碼頭附近有停車場.

http://www.hatsushima.jp/access/

熱海駅响半山, 由海望返嘅熱海, 會見到火車好似响空行緊咁, 幾有趣

船倉上層室外位置

船倉下層tatami位置

上車返東京前, 响熱海市入面遇到一隻藍眼貓

 

溫馨提示

日本火車、巴士同船嘅班次, 有時可以細分到<星期一至五>、 <六>, <日及公眾假期>三組唔同嘅班次. 夏季同冬季亦可以分有兩組唔同嘅班次. 一個唔留神, 好容易就會睇錯隔離班次. 另外, 文中提及既價錢亦隨年日可能有所改變, 所以最好响出發前再上文章內提供嘅link再確認一次.

1,548 total views, 5 views today

您可能也會喜歡…

發佈留言

發佈留言必須填寫的電子郵件地址不會公開。

Bitnami