島上遇到貓 ~ 旗津

從wiki得知, 旗津本來係一個沙洲, 後來因為興建港口而被截斷. 由高雄去旗津, 可以坐船或揸車經海底隧道過去. 去旗津果日無租車, 我地係由鼓山坐船過去. 其實旗津都幾大, 一定要揸車先行得晒. 所以我地都係只响碼頭附近行下.  大街就唔係見到太多貓, 但只要行入民居小行, 都不時遇到可愛貓咪.

上一篇島上遇到貓 ~ 小琉球提過, 响台灣只要見到機車, 就多數會見到貓

橫街小行, 好多CCTV响高處, 監視住地面所有嘅一切活動

繼續响民居搵貓

 

除左貓, 旗津都有唔少狗狗

旗津風景

從碼頭行大概十分鐘左右, 然後再行上一個唔係太高嘅旗後山, 就可能到達旗後砲臺. 响上面可以360度俯瞰旗津同對岸嘅景色. 可惜當日天色唔太理想. 如果唔係响上面睇日落一定不得了.

貪得意租左呢架電動單車, 兜左一個鐘左右. 响街仔就覺得有D快, 但出到馬路就變得好慢. 租車時, 老闆話要交低身份證明名件. 我唔係太想比香港身份証, 於是就比左車牌. 忽然香港張車牌無相都係一個好處.

中西合壁

我見到人居民仍然用黎打水

我見到人居民仍然用黎打水

有設計嘅坑渠蓋

畫有漫畫嘅油庫(?) 感覺好日本

見到好多車都有咁嘅裝置, 應該係用黎防止小狗做marking

見到好多車都有咁嘅裝置, 應該係用黎防止小狗做marking

旗津美食

旗津大街有D似長洲, 碼頭附近有好多海鮮餐館. 搵貓搵到有少少攰, 就亂入一間. 差唔多食完時, 見有一群香港人殺入黎. 以為佢地入黎食團餐, 點知原來導遊只係帶佢地入黎, 野食要自己叫…

海香菇, 第一次食, 好爽口. 以為係海參之類, 原來係墨魚皮!

之前响墾丁試過唔係太得, 比多次機會

呢次大粒D好味好多

 

聖子擺得幾靚

令人食唔停口既流動美食車!

台灣鵪鶉蛋就咁叫島蛋. 都係第一次咁食.

老闆話係特製既剪蛋器

試左一粒, 幾得意. 我諗用黎送酒應該一流

交通資訊

由高雄去旗山, 可以自己揸車經隧道, 或坐船過去.

去旗山碼頭嘅叫鼓山渡輪站. 如果坐捷運嘅話, 就坐到西子灣, 然後行大約十分鐘.

小琉球一樣, 都係設有居民優先嘅機制

 

船只載人同電單車

對面就係旗山, 就好似尖沙咀望過中環咁. 幾分鐘就到

旗山果面嘅碼頭

船嘅班次都好密, 大家唔需要趕, 就算去到送船尾, 好快就有下一班.

船期同價錢, 大家可以去官網睇:

http://kcs.kcg.gov.tw/07te01-0201.php

可能係閒日加上冬天嘅關係, 旗津比我想像中少人, 感覺舒服. 有機會嘅話, 我諗我會再去旗津, 去探下見過嘅貓, 去搵未見過嘅貓, 同未影到嘅日落.

 

2,058 total views, 1 views today

您可能也會喜歡…

發表迴響

你的電子郵件位址並不會被公開。

Bitnami