路上遇到貓 ~ 下灘 (shimonada)

青島果朝明明風和日麗, 但當船長宣佈因為大浪, 8點停航, 果一刻真係晴天霹靂, 未坐船先暈得一陣陣. 果朝遇到另外兩位香港人, 佢地只預留一日, (而我就仲可以搏多兩日), 所以最終都係決定hea等到下畫班船. 碼頭附近有個日本好出名响海邊既車站, 叫下灘駅. 去完下灘駅朝聖之後, 就行落附近既一個小市鎮~ . 老遠見到一隻黑白貓跑過, 大家都開心到癲左, 好似果日會再見唔到貓咁! 果度有好幾隻貓, 影到其中3隻.

呢隻黑白最好影

呢隻長毛好靚女, 但有D怕人, 果度D婆婆叫佢ふわふわ

呢張黑白都係怕怕地人. 仲有一隻影唔到

鎮入面其中一間屋門口嘅花圃

見到一棵櫻花

路上遇到蛇

我諗大家可能都有印象見過類似嘅畫面. 無錯, 呢個就係日本其中一個好出名响海邊嘅車站 ~ 下灘駅去青島既碼頭响伊予長浜駅, 前三個站, 就係下灘駅.

本黎有打算去完青島黎影日落, 但果日離開青島前已開始起雲, 唔會影到咸蛋黃, 就作罷.  而回程火車去到下灘駅時, 咁岩拍緊日劇リバース, 見到男主角藤原龍也.

可以望到青島

再拉近D

車站出面有張幾攪鬼嘅情侶櫈

車站外既流動美食車, 我估可能weekend先開

下灘駅望落去上浜

網上見到, 下灘駅附近仲有個”景點”, 話似係千與千尋嘅海中火車軌. 其實只係岸邊船廠用黎放船落海嘅路軌.

下灘駅之後一個站, 單字一個串! 唔知係有乜野意思?!

 

交通資料

由松山坐JR予讚線去下灘駅, 大約一個鐘頭.

朝早嘅松山駅

日落黃昏嘅松山駅

 

1,156 total views, 3 views today

您可能也會喜歡…

發表迴響

你的電子郵件位址並不會被公開。

Bitnami