島上遇到貓 ~ 怒和島 (nuwajima)

根據wiki所講, 位於日本四國愛媛縣松山市近嘅忽那諸島, 總共有7個島, 分別為中島, 津和地島, 怒和島, 二神島, 睦月島, 野忽那島同由利島. 當中由利島係無人住. 雖然行程中有幾日落大雨, 但都叫走馬看貓, 先後登上全部有人住既6個島.

怒和島同二神島, 津和地島差唔多大, 但就有兩個碼頭, 分別係元怒和同上怒和. 因為班次上就唔到去晒兩邊, 二揀一, 我揀左去元怒和. 去到怒和島時, 雨勢更大, 就先哩响等船間屋仔食飯團. 食完一行入村, 就响士多門口見到隻整痴人嘅黑貓仔. 落住大雨都要跟住我行 .

响怒和島只遇到兩隻貓, 呢隻係第二隻

行過墓地, 第一次見到呢D炮彈!

原來係用黎插花的

四方形嘅衫仔, 都係第一次見

想當年, 有電真係一件好值得慶賀嘅大事! 諗起自己住嘅村鄉地方, 仲未有光纖, 當有光纖嗰日, 唔知可唔可以叫村長起番個”光纖導入紀念碑”?

日本D島仔, 好多人都仲會燒柴. 但明知落雨又唔收埋, 唔知係唔係好快又會曬番乾?!

除左燒柴, 咁都有用石油氣的.

通常呢D水樽都係放响地下, 放响圍牆上面都係第一次見!

路上遇到Mac

就算係落雨天, 任何街角嘅一個花圃仔, 都係咁賞心悅目

怒和島有條好近岸嘅防坡堤, 唔知點解要設計成咁?

小黑貓送船

希望有機會去埋上怒和嗰邊睇下有冇其他貓.

交通資訊

去忽那諸島, 我全部都係由高浜港出發, 坐高速船或可載車嘅Ferry. 因我住松山, 我就搭伊予鉄道高浜線, 坐到去總站高浜駅. 一出高浜駅行過對面馬路, 就係碼頭.

高浜駅

高浜駅對面過一條馬路就係碼頭

去怒和地島就要坐中島汽船嘅西線. 船有分高速船同可載車既Ferry. 快船同慢船唔係差太遠, 但價錢就差好多. 大家可以去中島汽船嘅睇官網資料, 然後自己衡量一下:

船期表:

http://www.nakajimakisen.co.jp/contents/time-table.html

船費表:

http://www.nakajimakisen.co.jp/contents/price.html

因為要就行程, 我就揀左坐快船

溫馨提示

日本火車、巴士同船嘅班次, 有時可以細分到<星期一至五>、 <六>, <日及公眾假期>三組唔同嘅班次. 夏季同冬季亦可以分有兩組唔同嘅班次. 一個唔留神, 好容易就會睇錯隔離班次. 另外, 文中提及既價錢亦隨年日可能有所改變, 所以最好响出發前再上文章內提供嘅link再確認一次.

980 total views, 2 views today

您可能也會喜歡…

發表迴響

你的電子郵件位址並不會被公開。

Bitnami