島上遇到貓 ~ 田代島 [下] (tashirojima)

未睇上篇嘅朋友, 或者想重溫一下, 請按此連結: 島上遇到貓 ~ 田代島 [上]

我地住嘅民宿叫Marine Life (マリンライフ)

民宿樓下係大廳, 亦係飯廳之一. 房間在樓上.

一直都好想冬天時去日本, 試下用呢爐來煲茶, 燒魚同取暖.

我地住既日式房(印象中有3間)

窗外景觀

相左邊就係我地住嘅房間

另外有一間日式套房

仲有一間洋式房

新美敬子留俾民宿嘅親筆簽名相集

民宿只包早餐同晚餐. 午餐要另外預約.

而田代島係無食肆的.除左第一晚晚飯坐塌塌米, 我地都係坐响呢個飯廳食早午晚餐.

第2日下畫, 日下さん同朋友响花園BBQ, 見我到係香港黎, 請左我地食豬排, 好好味.

由碼頭行上山, 三四個字左右就到Manga Island (マンガアイランド). 一間間貓型渡假屋就在眼前. 除左渡假屋, 呢度仲有camp site可以租.

從Manga Island可以望到對面嘅網地島. 中間個無人島.

 

田代島上其中一間小商店, 可以買到乾糧飲品杯麵等等.

田代島嘅海岸

有貓接船

亦有貓送船

未睇上篇嘅朋友, 或者想重溫一下, 請按此連結: 島上遇到貓 ~ 田代島 [上]

交通資訊

我地係由東京出發, 坐新幹線, 大約個半鐘就到仙台.

到左仙台, 就轉仙石線, 大約一個鐘就會到石卷.

到左石卷, 火車站外可以坐巴士或的士去碼頭.

坐巴士嘅話, 可以坐”石巻市内線”, 然後响” 網地島ライン前”落車.

http://www.miyakou.co.jp/bus/route/index.php

若然大家拎住行李嘅話, 坐的士都唔需要擔心跳到心臟病, 因為火車站去碼頭都唔係太遠.

揸車去嘅話, 附近有無料停車場.

船由石卷出發, 會先停田代島嘅大泊, 然後再停田代島嘅仁斗田.

之後離開田代島, 會先停網地島嘅網地, 然後再停網地島嘅長渡.

最後離開網地島去鮎川.

船期可以到船公司官網睇:

http://ajishimaline.com/index.html

溫馨提示

日本火車、巴士同船嘅班次, 有時可以細分到<星期一至五>、 <六>, <日及公眾假期>三組唔同嘅班次. 夏季同冬季亦可以分有兩組唔同嘅班次. 一個唔留神, 好容易就會睇錯隔離班次. 另外, 文中提及既價錢亦隨年日可能有所改變, 所以最好响出發前再上文章內提供嘅link再確認一次.

 4,540 total views,  2 views today