分類: 愛媛

0

島上遇到貓 ~ 二神島 (futagamijima)

出名黑仔嘅我, 路上又遇到大雨天. 但既然一場黎到, 除非佢唔開船, 如果唔係就當探路都好. 搵貓之際, 有位婆婆問我响邊度黎, 我答佢我係由香港黎影貓. 於是佢就返屋企, 然後同叫佢老公帶我去搵貓! 果時落緊超大雨, 佢老公特登走出黎, 拎住遮帶我去四圍搵貓同幫我問人. 其他島民聽到我由香港黎影貓, 都好熱心提供貓點.

1,646 total views, no views today

0

島上遇到貓 ~ 怒和島 (nuwajima)

怒和島同二神島, 津和地島差唔多大, 但就有兩個碼頭, 分別係元怒和同上怒和. 因為班次上就唔到去晒兩邊, 二揀一, 我揀左去元怒和. 去到怒和島時, 雨勢更大, 就先哩响等船間屋仔食飯團. 食完一行入村, 就响士多門口見到隻整痴人嘅黑貓仔. 落住大雨都要跟住我行. 希望有機會去埋上怒和嗰邊睇下有冇其他貓.

1,618 total views, no views today

0

路上遇到貓 ~ 下灘 (shimonada)

雖然坐唔到早班船去青島有D可惜, 但係响下灘駅附近, 遇到咁靚嘅花圃, 加上可愛小貓咪, 都係開心的.

1,777 total views, 2 views today

0

島上遇到貓 ~ 中島 (nakashima)

响台灣見到電單車, 就多數會遇到貓. 响日本就似乎少見d, 但間唔中都會遇到. 响中島仲要响一架電單車遇到兩隻.

1,705 total views, 3 views today

0

島上遇到貓 ~ 興居島 (gogoshima)

响興居島搵貓之際, 有位小學生岩岩落校巴返屋企, 見到我時, 好有禮貌同我打招呼. 我問佢附近有冇貓, 佢答我話有, 於是我就問佢D貓响邊, 佢諗左一陣,話帶我去搵, 不過會有可能唔出現. 我話我明白, 無問題, 唔該晒. 一齊行去搵貓既時候, 佢知我唔係日本人, 就問我响邊度黎, 我答香港, 但佢唔識香港呢處地方. 我話俾佢聽香港响好遠, 我坐左3個鐘飛機黎.

以往經驗, 同外國人講我係由香港黎, 絕大部份都知道香港, 忽然有人話未聽過, 係會有D手足無措既感覺 . 小朋友帶我去到, 我就話我自己再搵, 走嘅時候, 佢同我hi five! 我兜左一陣之後, 真係見到幾隻肥貓 . 希望有機會去埋泊果邊, 睇下會唔會有其他貓.

1,903 total views, 2 views today

0

島上遇到貓 ~ 青島 (aoshima)

同田代島一樣, 青島都係無啦啦出左名, 似乎都係拜傳統傅媒做嘅好事. 見到青島碼頭附近好多圍欄同告示, 感覺唔係太舒服. 成個旅程唔少日本人問我黎四國有乜野做, 我答影貓, 幾乎全部都話叫我去青島! 只有兩個同我講睦月島都係貓島. (當然, 其實好多島都有貓) 十幾廿隻貓一齊湧出黎既澎湃畫面, 我响其他島都見到, 不過青島係有幾群十幾廿隻. 我個比較傾向順應大自然既規律, 點解其他島唔見有咁大量既貓, 似乎係有太多人類嘅界入所致. 係好事定係壞事, 或者我留比大家自己去感受.

2,574 total views, 1 views today

0

島上遇到貓 ~ 睦月島 (muzukijima)

我係晨早坐第一班船去睦月島, 去到時, 咁岩就見到島上既公公婆婆一齊出市集買餸. 有講有笑, 朝氣勃勃. 附近就有十幾隻貓响樹等食早餐. 有婆婆問我响邊度黎, 我答佢我係由香港黎, 婆婆嘖嘖稱奇. 之後全個島都知我响香港黎, 比fb status仲要快 XD 不過, 我諗第二日, 全個島都會知我果朝掛住影相, 唔記得落船. 好在船長肯再次泊岸比我落船. 而我坐果班係Ferry, 要响船頭放低塊行車板, 係好麻煩幾位船員.

5,347 total views, 9 views today

Bitnami