分類: 福岡

0

路上遇到貓 ~ 神湊港

响去貓島嘅碼頭附近, 好大機會都會遇到貓. 呢個就係去大島同地島嘅神湊港. 等船期間, 去附近街仔逛逛, 都遇到幾十隻, 非常開心.

1,503 total views, 1 views today

0

島上遇到貓 ~ 大島 (oshima)

大島雖然比地島大好多, 但只有一個碼頭. 响碼頭見到有的士黎接送島民. 碼頭亦見有出租單車. 因時間所限, 我地都無租私家車或單車, 只可以响碼頭附近嘅村落行行. 有機會再黎會入住民宿. 大島有座燈塔, 可惜無車行唔到去, 另外仲有一個大漁排俾人去釣魚. 大島見到有幾間食肆, 但過左午餐時間就無開. 碼頭等待處有間小店就有提供熱水煮杯麵. 雖然逗留嘅時間唔長, 但大島比到我嘅感覺係有唔少貓, 只係未遇到而已.

1,209 total views, no views today

0

島上遇到貓 ~ 地島 (jinoshima)

响旗津遇到一隻大爺貓, 响地島就一連遇到兩隻.

最近同貓友講起日本嘅貓島, 我話做research時, 見到人影到嘅貓島相, 但好多都已係幾年前. 島民多數打漁或務農, 面對人口老化, 年輕人又出晒去城市做野, 好多都無人承繼. 去到地島泊港, 見到好多房屋已破爛無人住, 倉庫亦已丟空. 我相信島上面嘅貓唔係比野豬食左, 而係少左人去餵, 數目逐漸減少.

1,657 total views, 1 views today

2

島上遇到貓 ~ 姫島 (himejima)

島上面遇到嘅居民唔多, 見到陌生人時都會主動打招呼, 大人細路都是. 有位嬸嬸見我地黎影貓, 就話俾我地知邊到多貓. 姫島同日本其他好多島一樣, 好靜. 你只會聽到海浪聲, 同間中一兩下鷹嘅叫聲. 下畫嘅時候多左少少嘻笑聲, 有小朋友放學坐船返到黎. 近排有熱心影友推動影日落, 影星, 影銀河, 諗到小朋友在無空氣污染, 無光污染嘅島上成長, 隨時可以見到漫天星宿, 水平線日出日落, 心裡面只有羨慕.

2,241 total views, 5 views today

0

島上遇到貓 ~ 馬島 (umashima)

同藍島貓講拜拜之後, 我地再次登船, 10分鐘就到馬島. 除左郵差同我地, 全船嘅遊客都無人落船! 可見連大部份日本人自已都以為只有藍島有貓. 諗番起好多年前去田代島, 隔離網地島都係無遊客會去, 但其實網地島都有貓, 只係田代島太過出名.

馬島比藍島細一半, 只得一個小小港口同一條小村落, 一陣就可以行完. 島上面零遊客, 零廣東話. 或者要多謝傳媒過份報導藍島, 我地幾乎可以同馬島每隻貓慢慢影學生相. 馬島無食堂, 打算留得耐嘅話, 就要响小倉買定乾糧. 汽水機就唔使擔心. 島上面亦無民宿.

3,117 total views, 6 views today

0

島上遇到貓 ~ 藍島 (ainoshima)

因為傳媒過份嘅報導同fb擴散嘅威力, 大家會以為九洲福岡只有兩個貓島, 相島同藍島. 之前同大家分享過相島, 今次就到藍島. 藍島在北九洲小倉, 可以望到對面岸嘅本洲. 藍島同相島一樣咁多遊客, 但就無見到用英文寫叫人唔好餵貓嘅poster. 在藍島遇左會聽到廣東話, 有心理準備會好D.

5,557 total views, 6 views today

0

島上遇到貓 ~ 相島 (ainoshima)

今次先同大家分享相島. 相島似乎比藍島有更多外國人去, 事關响新宮港碼頭已見到貼住poster大大隻字用英文寫叫人唔好餵貓, 去到相島碼頭一落船亦會見到幾張. 上次去田代島遇到電視台東洋女主播拍特輯, 今次就遇到電視台西洋女主播拍攝特輯. 相島同玄界島, 姫島唔到, 遇左會聽到廣東話, 有心理準備會好D.

5,345 total views, 7 views today

Bitnami