島上遇到貓 部落格

0

島上遇到貓 ~ 田代島 [上] (tashirojima)

田代島係我去日本第二個嘅貓島 (第一個係沖繩嘅座間味島). 响田代島第一次見貓咬住咁大條魚, 不枉天未光就見身落碼頭去影相 (之後响玄界島見到咬住條再大D嘅). 响田代島第一次遇到日本女主播 (之後响相島再遇到另一位女主播). 响田代島留左4日3夜 (有半日去左網地島), 影嘅相比較多左D, 分上下兩篇出.

2,180 total views, 1 views today

0

路上遇到貓 ~ 神湊港

响去貓島嘅碼頭附近, 好大機會都會遇到貓. 呢個就係去大島同地島嘅神湊港. 等船期間, 去附近街仔逛逛, 都遇到幾十隻, 非常開心.

1,184 total views, no views today

0

島上遇到貓 ~ 怒和島 (nuwajima)

怒和島同二神島, 津和地島差唔多大, 但就有兩個碼頭, 分別係元怒和同上怒和. 因為班次上就唔到去晒兩邊, 二揀一, 我揀左去元怒和. 去到怒和島時, 雨勢更大, 就先哩响等船間屋仔食飯團. 食完一行入村, 就响士多門口見到隻整痴人嘅黑貓仔. 落住大雨都要跟住我行. 希望有機會去埋上怒和嗰邊睇下有冇其他貓.

1,076 total views, 3 views today

0

路上遇到貓 ~ 下灘 (shimonada)

雖然坐唔到早班船去青島有D可惜, 但係响下灘駅附近, 遇到咁靚嘅花圃, 加上可愛小貓咪, 都係開心的.

1,265 total views, no views today

0

島上遇到貓 ~ 中島 (nakashima)

响台灣見到電單車, 就多數會遇到貓. 响日本就似乎少見d, 但間唔中都會遇到. 响中島仲要响一架電單車遇到兩隻.

1,241 total views, 1 views today

0

島上遇到貓 ~ 興居島 (gogoshima)

响興居島搵貓之際, 有位小學生岩岩落校巴返屋企, 見到我時, 好有禮貌同我打招呼. 我問佢附近有冇貓, 佢答我話有, 於是我就問佢D貓响邊, 佢諗左一陣,話帶我去搵, 不過會有可能唔出現. 我話我明白, 無問題, 唔該晒. 一齊行去搵貓既時候, 佢知我唔係日本人, 就問我响邊度黎, 我答香港, 但佢唔識香港呢處地方. 我話俾佢聽香港响好遠, 我坐左3個鐘飛機黎.

以往經驗, 同外國人講我係由香港黎, 絕大部份都知道香港, 忽然有人話未聽過, 係會有D手足無措既感覺 . 小朋友帶我去到, 我就話我自己再搵, 走嘅時候, 佢同我hi five! 我兜左一陣之後, 真係見到幾隻肥貓 . 希望有機會去埋泊果邊, 睇下會唔會有其他貓.

1,131 total views, 2 views today

0

島上遇到貓 ~ Büyükada

Büyükada實在太大, 我地6月中時去, 天氣開始熱, 我地亦無租單車, 只係响碼頭附近食個lunch, 然後就四圍搵貓影相. 不過實情响土耳其係唔需要搵貓, 有時D貓係多到你唔知影邊隻先好!

2,167 total views, 1 views today

0

島上遇到貓 ~ 大島 (oshima)

大島雖然比地島大好多, 但只有一個碼頭. 响碼頭見到有的士黎接送島民. 碼頭亦見有出租單車. 因時間所限, 我地都無租私家車或單車, 只可以响碼頭附近嘅村落行行. 有機會再黎會入住民宿. 大島有座燈塔, 可惜無車行唔到去, 另外仲有一個大漁排俾人去釣魚. 大島見到有幾間食肆, 但過左午餐時間就無開. 碼頭等待處有間小店就有提供熱水煮杯麵. 雖然逗留嘅時間唔長, 但大島比到我嘅感覺係有唔少貓, 只係未遇到而已.

961 total views, 1 views today

Bitnami